Петчлениот екипаж во исчезнатата подморница Титан најверојатно е мртов, соопштија од компанијата ОушнГејт, во чија сопственост е подморницата. Заклучокот е донесен откако бродотот со далечински управувач регистрираше отпадоци во делот за пребарување недалеку од бродот „Титаник“. Пронајдени беа рамка за слетување и заден капак на потопницата…
Претпоставките се дека се случила катастрофална експлозија во предната комора… Подморницата Титан во неделата загуби контакт со матичниот брод. Беше на пат до остатоците од потонатиот брод Титаник на 3.800 метри длабочина во Атлантскиот океан.
Во овој авантуристички поход во подморницата беа Хамиш Хардинг, британски авантурист кој претходно бил во вселената и неколку пати патувал до Јужниот пол. Британскиот бизнисмен Шахзада Давуд, член на едно од најбогатите пакистански семејства, и неговиот 19-годишен син..
Со нив беше Пол-Хенри Наргеолет, поранешен нуркач на француската морнарица, кој бил дел од првата експедиција што го посетила Титаник во 1987 година, и капетанот Стоктон Раш, директор на компанијата OceanGate, која управува со патувањата до Титаник.