Јавноста наскоро треба да ја дознае причината за прераната смрт на малечката Јана која по примена инфузија почина во битолската болница. Извештајот на обвинителството е готов, но наодите пред да излезат во јавноста, прво ќе им бидат соопштени на родителите.
Шестгодишната Јана Христовска од битолското село Кравари на 22 март била донесена во битолската болница со благи симптоми на настинка, тврдат нејзините родители, а според нивното сведоштво, состојбата нагло се влошила откако на девојчето му била дадена инфузија.
Обвинија за класична лекарска грешка и издавање погрешна терапија. Основното јавно обвинителство Битола отвори предмет за овој случај и побара обдукција. Смртта на Јана предизвика голем револт и бура од реакции во јавноста, во неколку наврати беа организирани и протести на кои се бараше одговорност за прерано згаснатиот живот.