Советот на општина Македонска Каменица на денешната седница донесе одлука утрешниот ден да биде прогласен за ден на жалост, поради трагичен настан во кој животот го загуби млад жител од Општина Македонска Каменица.
Трагичниот настан, како што претходно беше објавено во полицискиот билтен, се случил вчера попладне околу 15.20 часот, кога во Полициската станица Делчево било пријавено дека на локалниот пат Македонска Каменица – селото Цера, кај место викано „Ајдарска маала“, А.С.(28) од Македонска Каменица, управувајќи мотоцикл со регистарски ознаки од Македонска Каменица, изгубил контрола и со мотоциклот излетал надвор од патот, соопшти полицијата.
Младото момче починало на местото на несреќата. Смртта ја констатирал лекар од Итна медицинска помош, а увид извршиле јавен обвинител и екипа од Полициска станица Делчево. По наредба на јавен обвинител, телото на починатиот било дадено на обдукција.