Американскиот државен секретар Ентони Блинкен се сретна со кинескиот министер за надворешни работи Чин Ганг во Пекинг, на почетокот на дводневните разговори со кинеските претставници.
Посетата е прва на американски дипломат на Кина по речиси пет години. Американските власти велат дека главната цел на разговорите е да се стабилизираат односите кои станаа крајно напнати.
Средбата се случува, речиси, пет месеци откако претходната посета на Блинкен беше одложена, по летот на осомничен кинески шпионски балон во воздушниот простор на САД. Сега двете страни ги намалија очекувањата од некој голем пробив.
Според американските власти, целта е повторно да се отворат линиите на комуникација на високо ниво и да се стабилизираат односите. Војната во Украина, трговските спорови околу напредните компјутерски технологии, епидемијата на фентанил во САД и кинеското однесување за човекови права се темите за кои Американците очекуваат да се разговара.