Големо невреме, проследено со пороен дожд и град, го зафати Делчево попладнево. Под вода се многу од улиците во ниските делови од градот, а според Центарот за управување со кризи до сега има пријавено 10 поплавени објекти.
На снимките и фотографиите кои до нашата редакција ги испратија граѓани, се гледаат улици кои наликуваат на реки и речиси целосно поплавени автомобили.
Во дел од делчевските населби во прекин е снабдувањето со електрична енергија.
Од Центарот за управување со кризи информираат дека екипи од ТППЕ Делчево се излезени на терен и интервенираат со две возила и петмина пожарникари, заедно со екипи на јавното комунално претпријатие.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.