Дебата за ЕУ во Скопје, средба со граѓани во Тетово. Поделената партија ДУИ, го славеше 21-от роденден на два фронта. Во скопскиот, таканаречен „европски фронт“ организиран од раководството, се влегуваше низ цветен премин.
„Зелената“ партија повика поранешни функционери, амбасадори и аналитичари, кои дебатираа на ЕУ-перспективата. Претседателот на партијата е голем оптимист за тоа кога ќе влеземе во ЕУ.
Поранешната министерка за одбрана, Радмила Шеќеринска, пак, смета дека треба да се разберат и граѓаните кои се против уставните измени.
Аналитичарот Арсовски предупреди дека, државата е на крстопат, а алтернативата не е толку едноставна.
Додека во Скопје траеше дебатата, дел од основачите на ДУИ, сега членови на партиската фракција, славеа во Тетово.
На присутните им се обратија координаторот на тетовскиот огранок, Муамет Амени и поранешниот министер, Муса Џафери.
Тие, пак, се осврнаа на патот по кој сега се движи партијата, со голем број забелешки особено за ароганцијата на Артан Груби која, според нив, предизвикува голем револт кај граѓаните.
Присутните имаа забелешки и за степенот на корупција и криминал, како и за големиот број на обложувалници и казина.
Далиборка Демјанска Цветановска