5 повредени лица од кои двајца се во тешка состојба во сообраќајната несреќа крај Групчин

Тешка сообраќајна несреќа доцна синоќа на делницата кај Групчин, тетовско, во која повредени се пет лица од кои две се во тешка состојба.

Во несреќата според информациите од МВР учествувале две патнички возила, а едното од нив од силината на ударот се превртило и излетало од патот. Било управувано од 20 годишник од скопско Морани. Со екипи на итната медицинска помош повредените се префрлени во тетовската Клиничка болница.

На местото на несреќата, во координација со јавен обвинител, увид извршија екипа од СВР Тетово. А на терен беа до доцна синоќа беа излезени полициски службеници за да го обезбедат местото и да помогнат во регулирање на сообраќајот. Од МВР повеќе детали за несреќата најавија за денеска.