Расцепкан парламент значи нестабилна влада, предупредуваат политичките аналитичари, коментирајќи ја идејата за една изборна единица. Сугерираат дека, сите изборни реформи мора да се спроведат претпазливо и со претходни сериозни подготовки.
Една изборна единица е најпосакуваниот концепт за помалите партии, но и за партиите во најава.
Помалите партии деновиве, по којзнае кој пат, побараа да се извади нивниот закон од фиока и промената на изборниот модел да се стави повторно на дебата. Бараат воведување на една изборна единица, без праг, за да им се даде можност да настапат самостојно, по што ќе се знае точно која партија колкава поддршка има од граѓаните.
За нив е неприфатливо барањето на ДУИ, доколку се отвори ова прашање, да се вметне висок праг од 5 отсто. Но, и премиерот, на вчерашниот брифинг со новинари, рекол дека изборен праг мора да има, но му се поинтересни бројките од 3 проценти и 4,5 проценти. Декларативно, го поддржува предлогот за една изборна единица, но и тука има услов- отворени листи.
Далиборка Демјанска Цветановска