Неиздадени и неевидентирани фактури за закуп, фактури без потпис, немање попис за побарувањата на купувачите и слично. Вака функционирало основното училиште „Љубен Лапе“ во 2021-та година, констатира конечниот ревизорски извештај за самофинансирачките активности.
Заради тоа, изразено е неповолно мислење за објективноста на финансиските извештаи и усогласеноста со законите. По ревизијата на сметката на расходи на дотации, изразено е неповолно мислење и за објективноста на финансиските извештаи и мислење со резерва за усогласеноста со законите.
Причината е што нема систем на внатрешни контроли и целосен попис на средствата и обврските, а има слабости во канцелариското и архивското работење и несоодветно сметководство кон добавувачите. Во периодот што е предмет на ревизија, одговорни лица се поранешните директорки Марјана Панчевска и Сања Стојанова.