Судскиот Совет закажа итна седница која ќе се одржи по работното време.
Седницата е закажана за во 16:30 часот.
Состојбата во советот не е јасна откако минатата среда, 7 члена гласа за разрешување на Весна Дамева од позицијата претседател, но бидејќи немаше 8 гласа за нов претседател, седницата се закажуваше и одложуваше во два наврати без да почне процесот на избор.
Состојбата во Судскиот Совет досега беше статус кво, а нова седница е закажана откако за во Врховниот суд е најавена средба на која ќе се расправа за подобрување на законското решение за да не се повторат скандали и пучеви како што се случи минатата среда.
Министерот за правда Лога се уште не го одбил записникот од спорната седница на Судскиот Совет, на која беше прогласено разрешување на Весна Дамева.
Експертите од скандалот наваму повторуваат дека процедурата за разрешување е целосно незаконска и сега препорачуваат, парламентот да ги разреши 5-те членови кои се избрани од пратениците.