Собраниското соочување не ги смени ставовите на власта и опозицијата околу штетноста или користа на Договорот со Бехтел и Енка. ВМРО-ДПМНЕ бара одговорност, пред `се од вицепремиерот Груби.
Владата ја повика ВМРО-ДПМНЕ да не ја забавува и поскапува изградбата на коридорите и да не се крие зад Левица.
Пратениците се соочија и по прашањето: кој е премиер а кој опозициски лидер.
ВМРО-ДПМНЕ тврди дека до 6-ти мај треба да се платат 53 милиони евра, дека под исти услови ќе се врши експропријација на легални и на дивоградби, дека 70 одсто од ангажираните ќе бидат странци. Владата објаснува дека нема да се плаќаат пенали, дека ќе бидат ангажирани 51 одсто домашни фирми и дека и до сега се градело под слични услови. Иако поканет, не се појави Јавниот обвинител Љубомир Јовески, па од него се очекува писмен одговор дали постапката околу надзорот на изградбата ќе остане во фиока.
Соња Николовска