Невидено злосторство врз девојка се одигрувало во Тетово, а жртвата на ова монструозно семејно насилство е 19-годишна девојка која успеала да се спаси со бегство.
Младата девојка живеела во вонбрачна заедница со две години постар маж во Тетово. Од декември лани партнерот почнал да ја малтретира и да ја тепа, обкавија од обвинителството.
Состојбата се влошувала, а пред повеќе од 30 дена, партнерот-монструм ја заклучил во просторија во заедничкото живеалиште кое се наоѓало во градот Тетово.
Жртвата повеќе од еден месец била во семејната зандана, а насилникот ја тепал и и нанесувал повреди кога тој сакал. На заминување од собата по тепањето повторно ја заклучувал девојката и и оставал храна.
По повеќе од месец дена заробеништво девојката успеала да искористи момент кога насилникот ја оставил вратата од собата-зандана отклучена и избегала.
Девојката кога успеала да се ослободи веднаш отишла во полициската станица во Тетовп
каде пријавила и ги шокирала полицајците со хорор приказната која ја преживувала подолго време.
Известен е обвинител кој покрена истрага за две тешки кривични дела против монструозниот партнер на младата жртва.
Осомничениог е уапсен к му е определен притвор додека на жртвата и е пружена стручна помош.
Во продолжение соопштението на обвинителството:
Основното јавно обвинителство Тетово поведе постапка против едно лице на возраст од 21 година, за кого постои основано сомнение дека сторил продолжено кривично дело – Телесна повреда од член 130 став 2 во врска со став 1, како и кривично дело – Противправно лишување од слобода согласно 140 став 2 во врска со став 1 од Кривичниот законик.
Почнувајќи од декември 2022 година, осомничениот вршел семејно насилство врз 19-годишна жена со која живеел во вонбрачна заедница. Жртвата подолг временски период ја држел заклучена во една соба и секојдневно физички ја малтретирал, нанесувајќи и бројни телесни повреди. Жената искористила прилика кога во еден момент осомничениот ја заборавил отклучена вратата, успеала да побегне и настанот го пријавила во полиција.
Надлежниот јавен обвинител до судијата на претходна постапка од Основниот суд во Тетово достави предлог за определување мерка притвор. Судијата го прифати предлогот на обвинителството и со решение му определи притвор на осомничениот во траење од осум дена
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.