Недоволно, бавно и разочарувачки… Ова се оценките на вицепермиерката за добро владеење Славица Грковска и европамбасадорот Дејвид Гир за борбата против корупцијата во Македонија и спроведувањето на мерките и препораките од Антикорупциската комисија, Националната стратегија за борба против корупцијата и Европската комисија.
Борбата против корупција е клучна во преговорите со ЕУ, но државните институции не се респонзивни на наодите во извештаите, и тоа мора да се смени.
Борбата против корупцијата и владеење на правото е еден од начините да се задржат младите во државата, смета евроамбасадорот Дејвид Гир. Препораките ниту се почитуваат ниту пак се постапува по нив.
Во декември минатата година, вицепремиерката Грковска им наложила на министерствата и институциите да достават извештаи кои мерки ќе ги превземат во текот на оваа година во однос на препораките и наодите на ЕК, Националната стратегија и Антикорупциската комисија.
Евроамбасадорот Гир порача дека Собранието мора да го разгледа извештајот на Антикорупциска за 2021 година а судството и обвинителството да се зајакнат и да покажат интергитет.
Антикорупциската комисија минатата недела го презентираше извештајот за спроведените мерки и активности согласно Националната стратегија за борба против корупцијата која минатата година има степен на реализација од само 10 отсто. Во Националната стратегија се детектирани 54 проблеми и предвидени се 111 мерки и 191 активности кои треба да бидат преземени од државните институции.
Огнен Чанчаревиќ