Основното јавно обвинителство Тeтово до надлежниот суд поднесе Предлог за издавање казнен налог против 40-годишен тетовец, кој се товари за кривично дело – Повреда на угледот на странска држава по член 181 од Кривичниот законик.
Тој минатата година на 12-ти април со коментар со вулгарна и навредувачка содржина, на социјалната мрежа Фејсбук, ја изложил на подбив тогашната амбасадорка на САД во земјава и на тој начин го сторил кривичното дело.
Надлежниот јавен обвинител му предложи на Основниот суд во Тетово да му изрече на обвинетиот парична казна од 100 дневни глоби.
На позицијата амбасадор на САД во земјава тогаш беше Кејт Мери Брнз.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.