Најмалку 21 лице загина во силно торнадо што синоќа го погоди руралниот дел на американските сојузни држави Мисисипи и Алабама. Оштетени се згради, а во прекин беше и снабдувањето со електрична енергија, откако невремето проследено со град со големина на тениско топче се прошири низ јужниот дел на САД.
„Најмалку 13 смртни случаи се регистрирани на околу стотина километри северозападно од Џексон во тешко погодениот округ Шарки. Уште три лица загинаа, а најмалку две лица се во критична состојба во округот Хемфрис“, изјави директорот за управување со вонредни состојби Ројс Стид за „Си-Ен-Ен“.
Националната метеоролошка служба издаде предупредување до локалното население да пронајде засолниште, велејќи дека тоа ситуацијата е опасна по живот и дека предметите кои ги носи ветрот може да бидат фатални за оние кои не се засолнуваат.