Еден студент е убиен, а друго лице се здоби со прострелни повреди откако малолетник со огнено оружје влета во училишен кампус во Арлингтон, во областа Далас и почна со неселективна стрелба. Нападот се случи токму на првиот ден од наставата по пролетниот распуст.
Локалните полициски власти соопштија дека спречена е поголема трагедија бидејќи поради брзата полициска реакција напаѓачот не успеал да влезе во објектот каде се криеле голем број ученици. Се дал во бегство но кратко потоа бил уапсен.
Тој сега ќе се соочи со делото „убиство“, властите но не го открија неговиот идентитет бидејќи станува збор за малолетно лице.
Во Тексас, лицата осудени за убиство можат да добијат смртна казна. Обвинителите ја донесуваат конечната одлука за тоа какви обвиненија да покренат во случајот, и тие не се секогаш исти како обвиненијата покренати по апсењето, се вели во медиумските извештаи.