Предвремени парламентарни избори нема да има. За власта, ова прашање е затворено од моментот кога ВМРО-ДПМНЕ, и покрај најавите, не успеала да собере 61 пратеник, а мнозинството пораснало на 65 пратеници.
ВМРО-ДПМНЕ сѐ уште верува дека има шанси да се организираат предвремени избори до крајот на мај или почетокот на јуни. Доколку овие рокови поминат, следен термин за кој треба да се размислува е истиот ден кога ќе се одржат редовните претседателски избори.
СДСМ не се откажува од техничката Влада бидејќи ги почитува коалициските договори. Ковачевски, кој случувањата во ДУИ ги смета за внатрепартиска кампања, изрази подготвеност кога ќе дојде време, да ја отстапи премиерската функција.
Според Законот за Влада, 100 дена пред изборите се формира техничка Влада во која учествува и опозицијата. Џентлменскиот договор меѓу СДСМ и ДУИ од 2020-та година е премиерот да биде од албанската заедница.
Соња Николовска