Амбасадорот на Русија во САД, Анатолиј Антонов беше повикан во Стејт департментот по инцидентот со американскиот дрон кој се урна во Црното Море. Целта беше директно, на високо ниво, да биде пренесат американскиот став, откако Европската команда на американските вооружени сили соопшти дека американски дрон се урна во Црното Море по судир со руски борбен авион Су-27 кој го пресретнал леталото во меѓународен воздушен простор.
Руските власти претходно ја демантираа таквата информација и соопштија дека немало никаков контакт со американското беспилотно летало, како и дека тоа самото се урнало поради изведување остри маневри. Амбасадорот на Русија во САД, Антонов, пак, по средбите во Стејт департментот порача дека Русија не сака никаква конфронтација со САД.