Пациентка од Тетово, над која била извршена двојна масектомија, бара одговорност од лекарите од Клиниката за онкологија и радиотерапија, кои сугерирале итна операција заради сомневање за канцерогено заболување, објави „Слободен печат“.
„Некој мора да одговара за тоа што ми беа отстранети градите поради лажна дијагноза за канцер. Ми кажаа дека мора итно да се оперирам, а кога се вратија резултатите од хистопатологија после операцијата, во ткивата од отстранетите гради, имаше мастит, а не канцер“ – изјавила 56 – годишната С.С.
Таа вели дека заради чувствува гнев и лутина, затоа што верувала во системот и дека Обвинителството ќе си ја заврши работа.
Бидејќи пет години немало никакво поместување а предметот се чува во фиока и таа не сака тој да застари, решила да ја обелодени голготата низ која поминала.
Двојната масектомија била извршена во 2018-тата година.