Раноградинарското производство во струмичко Банско не може да ги оправда трошоците за одгледување. Само што излезе првиот зеленчук, цената се намалува а пласманот е неизвесен.
Лутата пиперка која е традиционална култура во Банско, се произведува во пластениците што се загреваат со геотермална вода.
Но, за градинарите годинава сезоната е навистина критична.
Не само цените, целата сезона во Банско е под закана за катастрофа откако ЕВН не сака да им ги продолжи договорите за електрична енергија на земјоделците што им е потребна за испумпување на геотермалната вода. Земјоделците се собраа на мирен протест и бараат институциите да се вклучат и да го решат проблемот.
Министерството за земјоделство рече дека проблемот ќе се презентира и на владина седница со цел да се најде решение додека се средат законските регулативи.
Сузана Мицева