Бројот на жртви по рускиот ракетен напад од 2ри март врз петкатна станбена зграда во Запорожје се искачи на 13 лица. Информацијата ја соопшти регионалниот оддел за вонредни ситуации.
– Од урнатините на зградата, спасувачките тимови од Државната служба за итни случаи извлекоа 13 тела, од кои едното на осуммесечно бебе“, објави институцијата на својот канал Телеграм.
Општинските служби отстранија повеќе од 893 тони урнатини, а психолозите од Државната служба за вонредни состојби пружија психолошка помош на сто лица, меѓу кои и жители на зградата и роднини на жртвите.
Седум лица се хоспитализирани како резултат на нападот, а двајца од нив се во тешка состојба, изјави гувернерот на Запорожје, Јуриј Малашко.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.