Силен земјотрес со јачина од 5,2 степени според Рихтеровата скала денеска ја погоди Хрватска. Епицентарот на земјотресот бил на островот Крк на длабочина од 10 километри.
Потресот бил почувствуван околу 10:45 часот на подрачјето на Кварнер.
Според првата проценка на ЕМСЦ, магнитудата е 5,25 степени, додека Сеизмолошката служба за хрватските медиуми соопшти дека земјотресот бил со јачина од 4,8 степени.
Земјотрес од оваа јачина може да предизвика материјална штета.
Дел од коментарите на социјалните мрежи се следни: „Долго траеше и многу се тресеше“, „добро се ниша“, „куќата се тресеше, шкрипеше плакари, чашите ѕвечкаа“.
Еден жител на Ријека вели за тамошните медиуми изјавил дека потресот траел 3-4 секунди, а облакодерите се нишале.
Земјотресот е почувствуван и во Ровињ и Љубљана, Словенија.
🔎 Deadliest #earthquakes that occurred in recent years within 300km of #Crikvenica (#Croatia): 06/05/1976 a M6.1 led to 965 casualties, 29/12/2020 a M6.4 led to 8 casualties, and on 12/07/2004 a M5.2 led to 1 casualty. pic.twitter.com/wPZ2llZ5qV
— EMSC (@LastQuake) February 16, 2023