Бугарското Министерство за надворешни работи (МНР) го повика амбасадорот во Република Северна Македонија, Ангел Ангелов на консултации во Софија. Причината за неговото привремено враќање е сериозната состојба во однос на правата на Бугарите во Република Северна Македонија и ескалацијата на делата и злосторствата од омраза против нив во последните месеци.
Според бугарското МНР, целта на консултациите е да се разговара за можностите за запирање на опасниот тренд на зголемен притисок врз граѓаните на Република Северна Македонија со бугарска самосвест и за изгледите за натамошен развој на билатералните односи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.