Во Македонија живее и работи рекордер. Не од оние кои го подобриле финансиското конто или забележале спортски успех.
За таков успех, Сакиб Неврие ниту има можност ниту сака. Нејзините успеси се мерат низ 22-те животни приказни.
Здравјето на Неврие попушта, но не и челичната волја и љубовта кон мајчинството.
Се гордее и ужива во улогата мајка, доделна од државата, но нејзин избор последните шеснаесет години.
Најкратко згрижено дете и било само 4 месеци, а најдолгосе грижела пет и пол години.
Грижата за децата не е така едноставна процедура, но е многу лесно ако го работиш тоа со љубов раскажува низ насмевка Неврие.
Таа и сопругот годините пред пензија ги поминуваат со дечињата кои им будат голем број емоции и ги враќаат во младите години.
Но, уште поголема среќа е кога се радуваат децата.
Волшебната елка на желбите е една од активностите која секоја година станува препознатливо обележје за црвениот крст на град Скопје, но и за граѓаните, кои можат да одберат еден од лампионите и да исполнат желба на некое дете.
Освен желбите остануваат и реалните проблеми. Годината која ја одбележа економско-енергетска криза го подјаде семејниот буџет и на овие семејства.
На потег е министерството за труд и социјална политика и владата кои треба согласно растот на инфалцијата да го ревидираат месечниот надоместок. Последен пат оваа горка тема владата ја отвори во 2020-тата кога го покачи надоместокот за 30 отсто.
Тамара Марковска