Стивна пандемијата, но последиците од ковид 19 излегоа на виделина. Лекарите апелираат на редовни контроли, а изминатиот период се бележи пораст на тироидните заболувања, кои тешко се самодијагностицираат.
Многу почести се субклиничките форми, кога пациентите немаат никакви симптоми, нуту знаци на болест, а сепак лабораториски се детектираат благи нарушувања на тироидната функција.
Истражувањата покажуваат дека секоја петта жена во животот има нарушување на тироидната жлезда, но се зголемува и бројот на мажи, како и на помладата популација.
Во штипската Клиничка болница има само еден лекар специјалист ендокринолог, кој секој ден има прегледи на дваесеттина пациенти.
Лекарите предупредуваат дека симптомите кои укажуваат на нарушување на хормоните на тироидата се замор, ненадејно губење или зголемување на телесната тежина, бавен или брз пулс, чувствителност на топлина или студ, анксиозност и депресија, како и паѓање на косата.
Викторија Јованова