ЕСМ продажба соопшти дека потпишале договор за набавка на природен гас за топланите и за другите потрошувачи во државата, пред се поголемите производствени и услужни капацитети.
Договорот е потпишан со фирмата „Balkan Utilities“ од Бугарија, за испорака на природен гас за јануари по цена од 115,97 евра за мегават час.
ЕСМ соопшти дека истата фирма дала понуда за снабдување и до први мај 2023-та година, со тоа што ќе дава месечни понуди за цена пред почетокот на секој месец.
Досегашниот снабдувач со гас на АД ЕСМ, Макпетрол Пром–Гас, понуди цена од 116,20 eвра за мега ват час, која не беше фиксирана, односно е подложна на корекции за јануари.
Третиот понудувач A.P.M.P. Handels ges не даде комплетна понуда, соопштија од ЕСМ.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.