Одговорност за тоа што државата треба да плати над 25 милиони евра на „Хеленик Петролеум“ за отштета, владата треба да бара во својот коалициски партнер Љупчо Георгиевски а не за тоа да ја обвинува ВМРО-ДПМНЕ, изјави во интервју за Канал 5 телевизија, потпретседателот на најголемата опозициска партија, Александар Николоски.
„Мислам дека таму треба да се насочат прашањата зошто потпишувал такви договори. Она што исто така е спорно е што јавноста долги години е убедувана дека со Грција има идеални односи откако СДСМ е на власт. Но, не гледам дека тие идеални односи се користат за „Хеленик петролеум“ да се откажат од овие барања и треба да знае јавноста дека тоа е доминанта државна фирма, не се работи за приватна фирма, туку напротив „Хеленик петролеум“ оди на суд и ја тужи државата“ изјави Николоски.