Кулминира медиумската војна меѓу градоначалничката Данела Арсовска и ВМРО-ДПМНЕ. Таа се пожали на закани од Христијан Мицкоски, партијата бара проверка на нејзината деловна способност, а СДСМ препознава насилничка матрица.
По синоќешните обвинувања, ВМРО-ДПМНЕ ја обвини за лаги, измислици и неурамнотежено однесување.
Градоначалничката не одговори на телефонските прашања дали ги пријавила заканите во МВР. Вчера во телевизиско интервју рече дека е доволно што за тоа повеќе пати јавно говорела.
СДСМ потенцира дека Владата мора да ги решава и градските проблеми бидејќи скопјани се заложници на караниците меѓу Мицкоски и Арсовска.
Арсовска беше избрана за градоначалничка со поддршка на ВМРО-ДПМНЕ, но соработката не издржа ниту една година. Пред три месеци, таа ги обвини директорите од оваа партија за „ставање на рачињата во медот“, а тие од неа побараа оставка заради неспособност и лукративност.
Соња Николовска