Физичките пресметки се најчест вид на насилство меѓу мажите и жените за кое се бара помош од институциите. Годишно се пријавуваат околу 500 случаи на СОС линијата во нашата држава. Но, насилството ескалира и еден од случаите, кој не бил пријавен ниту во полиција, завршил со убиство.
„Во Гостивар беше пријавен случај во полициска станица од роднините, а сабајлето додека дојде полицијата, таа веќе беше убиена“, вели претседателката на националниот Совет на родова рамноправност, Савка Тодоровска.
Од Националниот совет со апел, пред сè, до жените-жртви, да го пријават својот проблем на отвораната СОС линијата. Целта на меѓународната кампања „16 дена активизам против родово базираното насилство“ е навреме да се зборува за проблемите.
„Со јавување на СОС линијата која е бесплатна 24/7, може да го искажат проблемот и потоа да биде решен“, додаде Тодоровска.
Надлежните институции поттикнати од невладините веќе два месеца работат на промена на кривичниот законик со што насилство врз жените и семејно насилство би било квалификувано како кривично дело.
Тамара Марковска