„Автономијата на српските општини ќе биде нешто слично како она што Косово што го имаше во рамките на српската држава, значи тоа не е нешто што е непознато во историјата на Косово“, вели поранешниот амбасадор на Македонија во САД, кој гостува во вечерашната Топ Тема н Телма.
„Во пресрет на новата рунда преговори мислам дека одредени аспекти ќе се чинат малку поприфатливи и преговарачките страни ќе омекнат доколку им се стави до знаење дека со прифаќањето на одредени одредби од бриселскиот договор или пак со прифаќањето на некој нивни предлог и за двете страни ќе има нешто позитивно на нивниот пат кон ЕУ“, истакна Наумовски.
„Во секој случај ќе биде донесена политичка одлука. Има критериуми и за стекнување на кандидатскиот статус и за членка на ЕУ меѓутоа тие критериуми можат да бидат различно толкувани во зависност од тоа која држава е на дневен ред“, рече Наумовски.
Тој рече дека е можно да се бараат и други форми на интеграција по примерот на европската политичка заедница.