Нов обид да се санира покривот на Домот на културата во Виница. Кофите и садовите поставени низ оваа институција, го спасуваат инвентарот од поројни дождови. Мириса на влага, бидејќи покривот со години прокиснува.
На вработените и на виничани кои секојдневно го посетуваат најтешки им се есента и зимата, кога дождовите им прават дополнителна штетата.
Локалната власт конечно направи проект за санација на покривната конструкција, која ќе се прави по урнекот на зелени покриви.
Виничкиот градоначалник, Миле Петков вели средства ќе има од буџетот, но и ресорното Министерство и Бирото за регионален развој.
Од Центарот за развој на Источно планскиот регион појаснуваат дека средства се обезбедени и за сината сала,во којашто ќе има соодветни услови за организирање на секаков културни настани.
Градежните активности треба да започнат почетокот на следната година, а се очекува реконструкцијата да заврши до ноември 2023 година.
Викторија Јованова