Дали Македонски телеком во 2021та му продал црн „мерцедес“ на Назим Буши? – прашува опозициската ВМРО-ДПМНЕ, убедена дека зад воланот на возилото со флешери бил синот на заменик-министерот. Од партијата тврдат дека мерцедесот е купен од Телеком, а потоа даден на Буши.
Со реакција се огласи и СДСМ. Од партијата велат дека ВМРО-ДПМНЕ во очај измислува конструкции и непостоечки афери, со цел да се наруши угледот на министерот за внатрешни работи.
Случајот за кој денеска зборува ВМРО-ДПМНЕ е целосно расчистен, виновникот е лоциран и санкциониран, а нелегалните флешери се отстранети од автомобилот. Покрената и дисциплинска постапка против полициските службеници кои се обиделе да го прикријат строителот, пишува во соопштението на владејачката партија.