Загина 53 годишно лице во сообраќајна несреќа што утринава се случила на булеварот „Киро Глигоров“. Друго со повреди е пренесено во болницата по хируршки болести „Св. Наум Охридски“.
Сообраќајката во МВР е пријавена утринава во 6 часот и 10 минути. Според информациите од надлежните до несреќата дошло откако на возилото со скопски регистарски ознаки со кое управувал сега веќе загинатиот му пукнала гума по што на помош дошло второ лице, 29 годишно момче. Додека се обидувале да ја променат гумата во нив удрило трето патничко моторно возило управувано од 18 годишник од Скопје кој по ударот го напуштил местото на несреќата но потоа се вратил но без возилото.
На местото на несреќата полициски екипи извршиле увид и се преземаат мерки за расчистување на случајот.