Опозицијата бара нови луѓе за борба со криминалот и корупцијата. ВМРО ДПМНЕ и Алијанса за Албанците очекуваат корумпираните да се именуваат и да завладее правната држава.
Христијан Мицкоски посочи дека со овие појави не можат да се борат оние што 20 години се на власт, а ги нарече „креатори на корупцијата и сојузници на криминалците“.
Мицкоски смета дека корупцијата ја празни државата од младите луѓе и станува одговорна за уништувањето на нацијата.
Арбен Таравари побара корупцијата да се казнува, правосудниот систем да се департизира и да прекине системското заробување на судството од политиката.
Алијанса предлага шок терапија и пакет закони за бескомпромисна борба со корупцијата: закон за ветинг на судиите и обвинителите, конфискација на криминално стекнат имот, спречување на непотизам, проверка на интегритетот и дуплирање на средствата за институциите што се вклучени во оваа борба.
Соња Николовска