Црвена опомена за град Скопје од државните ревизори. Изразуваат „неповолно мислење за реалноста и објективноста на финансиските извештаи, за сметката на минатогодишниот буџет но и за усогласеноста со законите и воспоставените политики. При направената ревизија, утврдено е дека регистерот на недвижен имот не е ажуриран, не се наплаќаат на време даноците на имот и комуналните такси, не е утврдено колку се стари побарувањата и не се собира приход од одржувањето на градското зеленило и јавната чистота. Како клучна системска слабост се наведува тарифникот за комуналната такса за користење улици и патишта и одржувањето јавно осветлување.
Позитивно мислење доби сметката на расходи на дотации, иако се бележат неправилности во спроведувањето јавни набавки а во годишните програми не се планираат преземените обврски од претходната година.
Ревизорскиот извештај посебно се осврнува на состојбите со професионалните пожарникари: нивниот број е под законскиот минимум, нивното финансирање е непрецизно, а наменските дотации што ги добива општината се недоволни за покривање на нивните плати. Ова укажување претставува и одговор на информацијата од градот дека во февруари годинава е побарано вработување на 25 нови пожарникари бидејќи градот и поширокото подрачје го покриваат само 202-ца пожарникари иако законскиот минимум е 384.
Соња Николовска