За денар до денар и половина ќе поевтинат бензините од полноќ, цената на дизелот останува иста, одлучи денеска Регулаторната комисија за енергетика (РКЕ).
Цената на Еуросупер БС-95 се намалува за 1,50 денари, а за еден денар на Еуросупер БС-98. За еден денар се намалува и цената на Екстра лесното масло за домаќинство, а малопродажната цена на мазутот се зголемува за 0,361 денари по килограм.
Согласно новата одлука, Еуросупер БС-95 ќе се продава по цена од 83 денари за литар, Еуросупер БС-98 по цена од 85,5 денари за литар. Цената на дизелот останува 84,5 денари за литар. Новата цена на Екстра лесното масло за домаќинство ќе биде 81,5 денари за литар, а мазутот ќе се продава по цена од 42,171 денар за килограм.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.