Македонија ги направи сите неопходни реформи за да ја отвори првата врата кон ЕУ, а граѓаните имаат капацитет да го направат тоа што треба за земјата да стане полноправна членка на Унијата, изјави Габриел Ескобар, заменик-помошник државен секретар на САД и специјален претставник за Западен Балкан.
На настан посветен на евроатлантската иднина на регионот одржан синоќа во Атлантскиот совет во Вашингтон, тој изјави дека Македонија е добар партнер на САД, и билатерално и во НАТО
Ескобар исто така смета и дека процесот на пристапување треба да биде побрз, потенцирајќи ги внатрешните грижи во Унијата.
Има гласачи кои навистина се грижат што би направило проширувањето за нив. И мислам дека тоа е работа за сите нас да ги убедиме дека Европската Унија ќе биде посилна и ќе биде попросперитетна со овие земји, рече Ескобар, алудирајќи на Северна Македонија и Албанија.
Ескобар рече дека кризата во Украина само ја покажала зголемената итност за решевање на проблемите во регионот, како оние меѓу Србија и Косово, како и потребата да се забарзаат процесите што ќе го придвижат регионот во вистинската насока.