Македонија и Украина го надградија Договорот за слободна трговија и меѓусебно обезбедување на храна. Двајцата премиери потписот го ставија утрово во Прага, на првата средба на европската политичка заедница.
Енергијата ќе биде една од главните теми на состанокот на земјите-членки на ЕУ и нивните сојузници. Освен членките на Унијата, на Самитот се поканети и шесте земји од Западен Балкан, потоа Молдавија, Грузија, Украина, Турција.
Тема ќе биде војната во Украина и обидот да се усогласи заедничката безбедносна политика. Европските челници и натаму тврдат дека не станува збор за замена на проширувањето, туку за посилни врски и усогласување на политиките со земјите кои сега не се членки на Унијата или не сакаат да бидат дел од блокот.