Дали е на повидок нова пратеничка група? – „Огнените“ од ДУИ синоќа објавија фотографија на која заедно со Изет Меџити и Блерим Реџепи на маса е и Кастриот Реџепи кој во моментов делува независно.
Реџепи на јавноста ѝ стана познат, откако лани ги замати сметките на опозицијата за преземање на мнозинството во Собранието и да ја урне Владата.
По ова Реџепи беше исклучен од Беса и во Собранието промовираше проект „Европа 21“, со цел обединување на прогресивните политички сили за задржување на европската перспектива на земјава.
Во кус одговор за Телма тој најави дека пред јавноста ќе се произнесе во четврток.