Повеќе средства за рурални проекти бараат Локалните акциски групи за да се подигне квалитетот на живот во малите населени места. Досега, тие кубурат со средства и тешко ги реализираат зацртаните цели, за што бараат поголема пдодршка од Министерството за земјоделство.
Во Југоисточниот регион постојат неколку Локални акциски групи. Онаа што ги обединува општините Конче, Карбинци, Радовиш и Штип е наречена Плачковица и работи четири години. За оваа акциска група проблем се покажала слабата екипираност на платежната агенција која доцнаела и при контролите и при исплатата на средствата за локалните акции.
Иницијативите и идеите на Локалните акциски групи се презентираа пред граѓаните на Радовиш во рамките на годинешниот саем ЛАГ Експо 2022 организиран од македонската и балканската мрежа за рурален развој и поддржан од УСАИД.
Сузана Мицева