Доколку има референдум за договорот со соседна Бугарија, истиот ден и штипјани ќе се изјаснауваат на уште едно референдумско прашање, а тоа е „Дали средстватата од самопридонесот ќе може да се пренаменат за реконструкција на дотраената водоводна мрежа?“ Штипскиот градоначалник, Иван Јорданов смета дека на тој начин општината нема да троши дополнителни пари за организирање на референдум за средствата од самопридонесот.
55 милиони денари кои се на посебна сметка нема да бидат доволни за решавање на проблемот со водоснабудањето, замена на старата водоводна мрежа и обезбедување на вода за високите зони. Штип сѐ уште чека на средствата од ТАВ, кои беа наменети за изградба на карго аеродромот. Со 1,2 милиони евра треба да се изгради цевковод, но и резервоар, со што ќе се реши проблемот со водата за пиење во неколку населби и индустриските зони.
Јорданов пред неколку месеци побара да се забраза постапката околу изборот на фирмата за изградба на Водоводна линија два од средствата од ТАВ. Во земјава од средствата од карго аеродромот треба да се реализираат 94 договори со општините, во вредност од 49,7 милиони евра.
Викторија Димитрова Јованова