Без електрична енергија утре неколку часа ќе бидат корисниците во делови од општините Сарај, Ѓорче Петров и Студеничани, соопшти РЦУК по известување од ЕВН Македонија.
Причина за прекинот во снабдувањето со електрична енергија, како што се посочува, се веќе закажани технички зафати.
Од 9 до 12 часот без електрична енергија ќе бидат угостителскиот објект „Јасен“, како и репетиторите на А-1 и Телком во ловиштето Јасен во општината Сарај.
Од 9 до 14 часот струја ќе немаат корисниците од ул. 73 во Волково во општината Ѓорче Петров и корисниците од селата Палигарад, Алдинци и Црвена Вода, викенд населбата Црвена Вода, Планинарскиот дом Китка и домот Караџица, Принцес Мала Река и викенд населбата Мала Река во општината Студеничани.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.