По само 8 месеца повторно се организираат избори за членови на Советот на Општина Тетово. Од опозициската партија ДУИ сметаат дека ваквата ситуација е на штета на граѓаните.
Поранешниот советник, Блерим Османи, обвинува за несовесното работење и непочитување на законските правила од страна на сегашното раководство, што според него го нарушува угледот на Општината и на Советот.
Бесар Дурмиши од БЕСА, сега поранешен претседател на Совет, вели дека вината за ненавременото донесување на завршната сметка е во администрацијата и дека ќе следат санкции.
Сега сите ингеренции кои ги има Советот се пренесуваат кај градоначалникот, освен надлежности што припаѓаат на општинскиот имот, статут, буџет, завршна сметка, именување членови на Надзорен и Управен одбор во јавни претпријатија, усвојување финансиски програми и извештаи за работа.
Изборите за Совет на Општина Тетово ќе се одржат на 20 август 2022 година.
Данијела Билбилоска