„Никогаш не сме договарале натписи на споменици и тоа не е наша работа, ние договаравме заедничко чествување на определени историски фигури и настани“, дециден е академик Драги Ѓоргиев од историската комисија, кој тврди дека не ги знае францускиот предлог и бугарските протоколи, но знае дека тоа што медиумите го објавиле за нив не е точно и не е утврдено на комисија.
Досега се утврдени текстови за два историски настани и ликови, направена е предлог препорака као средновековната држава да биде претставена во учебници по историја- потенцира Ѓоргиев. Според него, рокови кои се спомнуваат во документите, а се однесуваат на работа и резултати на историската комисија не се прифатливи и не може да се мешаат со политичкиот процес.
Употребата на документи на Европска Унија со кои на историската наука и се налагаат насоки како една историографија на агресивен начин да надвладее друга историографија е недозволиво и недопустиво, оценка е на историчарите.
Особено е штетен начинот на употреба на говор на омраза во историски дискурс. Говорот на омраза според објавените протоколи ќе биде и доколку се користи друг , а не бугарски наратив за определни историски работи. Професорката Ангеловска Панова се надева дека разумот и науката ќе победат.
Миомир Серафиновиќ