Бугарската црква влегува во канонско единство со Македонската, но вели дека името на црквата допрва треба да се утврди

Синодот на Бугарската православна црква на својата денешна седница ги разледал писмата на вселенскиот патријарх Вартоломеј и српскиот патријарх Порфириј во врска со каноничниот статус на МПЦ-ОА, која сепак се ословува како православна црква во Северна Македонија.

Во соопштението на Бугарската патријаршија се вели дека по спроведеното гласање, тие ги прифаќаат решенијата за подигање на шизмата и влегување во канонско и евхаристичко општење со православната црква на Северна Македонија.

Што се однесува до името на православната црква на Северна Македонија, бугарската патријаршија вели дека тоа прашање дополнително треба да биде разгледано.