Премиерот на Албанија тврди дека неговата шега во која претседателот на владата, Димитар Ковачевски го нарекува премиер на „идната Западна Бугарија“, всушност била на сметка на Бугарија која ја блокира земјава во ЕУ.
Објаснувањето на Рама е дека тоа е иронија и сарказам којшто не бил разбран од многумина што го нападнаа премиерот Ковачевски. Рама оцени дека станува збор за хистерија и одговорот на Твитер во кој повторно ја споделува својата „западна Бугарија“-шега, ја зачини со емотикон на смајло што повраќа.
-За смеење и плачење е хистеријата на некои во Скопје кон премиерот Ковачевски, по објавувањето на видеото од ракувањето со канцеларот Шолц во Солун, каде ја иронизирав грдата блокада на Северна Македонија од Бугарија! Кафанска кавга среде чадот од ќофтињата, напиша Рама на својот Твитер профил.
По многубројните реакции, опозиционата ВМРО-ДПМНЕ побара Ковачевски да поднесе оставка. Од друга страна нападите не беа насочени кон Рама кој кажа што кажа туку кон Ковачевски кој е во негово присуство.
ВИДЕО: Албанскиот премиер Рама за името на државата до Олаф Шолц: Идната „западна Бугарија“