Синдикалци се собраа пред седиштето на СОНК, незадоволни од одлуката на синдикатот за ставање на штрајкот во мирување.
Тие не беа расположени да дадат изјави пред камерите, и очекуваат средба со претседателот на синдикатот Јаким Неделков како и другите членови од раководството на СОНК.
Денеска Синдикатот за образование, наука и култура го стави штрајкот во мирување, а учениците од утре почнуваат со настава. Причина за ваквата одлука на СОНК е добиеното известување од Министерството за труд и социјална политика за мирно решавање на работните спорови.
Претседателот на СОНК, Јаким Неделков попладнево изјави дека по направените консултации со правни лица, донесена е одлука да се стави штрајкот во мирување додека трае решавањето на спорот.
ОВА Е САМО ПОЧИТУВАЊЕ НА ЗАКОНОТ, ДОКОЛКУ НЕ СЕ ДОГОВОРИМЕ, ПОВТОРНО ЌЕ ГО АКТИВИРАМЕ ШТРАЈКОТ. УВЕРЕНИ СМЕ ДЕКА ВО ПЕРИОДОТ НА ПОМИРУВАЊЕ ЌЕ ГИ НАЈДЕМЕ СООДВЕТНИТЕ РЕШЕНИЈА И ДЕКА НЕМА ДА ИМА ПОТРЕБА ДА ГО АКТИВИРАМЕ ШТРАЈКОТ, ИЗЈАВИ НЕДЕЛКОВ.
Претходно од СОНК, беше најавен протест за 4. мај и се уште не се знае дали истиот ќе се одржи.
Генералниот штрајк во образованието почна на 11 април а членовите нс СОНК ја одбија понудата на Владата за покачување на платите за 12 отсто почнувајќи од јули.