Љубителите на снегот и зимските спортови од денеска ќе може да уживаат на падините на Шар Планина. И официјално од денеска ќе може да се скија информираат од ски – центарот откако изминативе десетина дена наврнаа потребните 30-40 сантиметри снег за да може да се подготват патеките.
Ски-лифтовите и жичарниците ќе работат од 8.45 до 15.30 часот, додека работно време на билетарниците е од 8 до 16.15 часот.
Од ЕЛЕМ Турс велат дека се е подготвено за почетокот на скијачката сезона. Додаваат дека скијачките терени се подготвени. Скијачите ќе имаат прилика да ги користат сите четири ски лифтови.