Околу 300 млади средношколци договориле меѓусебна пресметка во скопскиот трговски центар „Бисер“. Масовната тепачка била спречена со интервенција на МВР, која реагирала по добиени оперативни информации.
Околу 21 часот во трговски центар на бул.„Јане Сандански” се собра поголема група на малолетници со намера физички да се пресметаат. Од страна на полициски службеници од СВР Скопје – ЕВР Аеродром преземени се соодветни мерки и активности, но не дошло до нарушување на јавниот ред и мир, информираат од МВР.
Од таму додаваат дека во врска со настанот, со присуство на родители, во Полициската станица Аеродром бил извршен разговор со тројца малолетници, кои појасниле дека во трговскиот центар требало да има физичка пресметка помеѓу две групи“, велат од полицијата.