Денешниот изборен ден се одвива без поголеми нарушувања и нерегуларности, потенцираше претседателот на комисијата на Јавното обвинителство за следење на евентуални изборни нерегуларности, Џељаљ Бајрами на прес-конференција попладнево.
Основното јавно обвинителство ќе ги проверува наводите за два настана во текот на изборниот процес и доколку има услови ќе почне постапка за двата предмета. Во делчевско се истражува наводно поставување на водомери во неколку избирачки места, како изборен поткуп, како и фотографирање на гласачко ливче во Бучим, радовишко.
Во Комисијата, покрај Бајрами како претседател, членуваат и по еден јавен обвинител од сите четири јавни обвинителства во државата и еден основен јавен обвинител од основното Јавно обвинителство во Скопје.